Secretary Pompeo’s Statement on International Human Rights Day

PRESS STATEMENT MICHAEL R. POMPEO, SECRETARY OF STATE DECEMBER 10, 2019 In 1948, the United Nations General Assembly adopted the Universal Declaration of Human Rights (UDHR) to identify common rights and freedoms for all people in all nations.  An American, former first lady Eleanor Roosevelt, chaired the UN Human Rights Commission that drafted this landmark document.  Chairwoman Roosevelt needed only to ...
Read More»

༢༠༡༩ ལོའི་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་ཨ་རིའི་གཞུང་ཚབ་ཆེན་མོའི་གསལ་བསྒྲགས།

འཛམ་གླིང་མཉམ་འབྲེལ་རྒྱལ་ཚོགས་ཀྱིས་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ལ་མོས་མཐུན་བྱས་ནས་ལོ་༧༡ འཁོར་བའི་དུས་དྲན་སྲུང་བརྩི་བྱེད་རྒྱུ་ནི་རྒྱ་ནག་མི་དམངས་སྤྱི་མཐུན་རྒྱལ་ཁབ་ཏུ་བཅའ་བཞུགས་ཨ་རིའི་གཞུང་ཚབ་ཆེན་མོའི་གཟི་སྤོབས་ཡིན། ༡༩༤༨ ལོར་མཉམ་འབྲེལ་རྒྱལ་ཚོགས་ཀྱི་རྒྱས་འཛོམས་ཚོགས་ཆེན་སྟེང་མོས་མཐུན་བྱས་པའི་གསལ་བསྒྲགས་དེའི་ནང་སྐྱེ་བོ་ཡོངས་ལ་བསམ་བློ་དང་རྟོག་དཔྱོད། ཆོས་ལུགས་དད་མོས། བསམ་ཚུལ་བརྗོད་པ། ཞི་འཇམ་གྱི་འདུ་འཛོམས། ཚོགས་པ་སྐྱིད་སྡུག་འཛུགས་པའི་རང་དབང་ནང་དུ་ཚུད་པའི་རང་དབང་རྣམས་བཀོད་ཡོད། རྒྱ་ནག་གིས་ཡིག་ཆ་གལ་ཆེན་དེ་ལ་ས་ཡིག་བརྒྱབ་པས་གསལ་བསྒྲགས་དེའི་ནང་འཁོད་པའི་ཐོབ་ཐང་རྣམས་སྲུང་སྐྱོབ་བྱ་རྒྱུའི་དམ་བཅའ་བཞག་པ་རེད། ཉེ་ཆར་གསལ་རྟོགས་བྱུང་བའི་དོན་རྐྱེན་དག་ལས་པེ་ཅིང་གཞུང་གིས་གཞི་རྩའི་ཐོབ་ཐང་སྲུང་སྐྱོབ་ཀྱི་དམ་བཅའ་ལག་ལེན་བསྟར་ཕྱོགས་ལ་དོགས་པ་སྐྱེས།། འདས་པའི་ལོ་གཅིག་གི་རིང་ངས་འདི་གར་འབྲེལ་གཏུག་རིམ་པར་བྱས་སྐབས་རྒྱ་ནག་མི་དམངས་ཀྱི་འཚོ་བའི་ཆུ་ཚད་ཡར་རྒྱས་གཏོང་བ་ནང་དུ་ཚུད་པའི་ཕྱོགས་མང་པོ་ཞིག་ཏུ་གོང་འཕེལ་འགྲོ་བཞིན་པ་མིག་མཐོང་ལག་ཟིན་བྱུང་། ཡིན་ནའང་དེ་དང་ལྷན་དུ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་ཡོངས་ཁྱབ་གསལ་བསྒྲགས་དང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཁྲིམས་ཡིག་ནང་བཀོད་པའི་རང་གི་མང་ཚོགས་ཀྱི་གཞི་རྩའི་རང་དབང་སྲུང་སྐྱོབ་ཐད་གཞུང་གི་འཛིན་སྐྱོང་བྱེད་སྟངས་ལམ་ལྷོང་མ་ཡོང་བའང་མིག་མཐོང་ལག་ཟིན་བྱུང་། སྲིད་འཛིན་ཊམ་དང་། སྲིད་འཛིན་གཞོན་པ་ཕེན་སེ། དྲུང་ཆེ་ཕོམ་ཕེའོ་བཅས་ཀྱིས་རྒྱ་ནག་ལ་འཛུགས་སྐྲུན་རང་བཞིན་དང་གྲུབ་འབྲས་ལ་དམིགས་པའི་འབྲེལ་ལམ་ཞིག་འཛུགས་རྒྱུའི་འདུན་པ་ཡོད་ཅེས་ཡང་དང་བསྐྱར་དུ་བཤད་པ་དང་ལྷན་དུ་ཁོ་ཚོས་ཉེས་སྐྱོན་དེ་དག་དང་རྒྱ་ནག་ཏུ་དེང་སྐབས་འབྱུང་བཞིན་པའི་ཚུལ་མིན་གྱི་རྡོག་རྫིའི་གནད་དོན་དག་ཁ་གསང་བོར་བརྗོད་ཡོད།། རྒྱ་ནག་གཞུང་གིས་ཁྲིམས་རྩོད་པ་དང་། གསར་འགོད་པ། ཞི་དམངས་ཀྱི་འགོ་ཁྲིད་དག་ཁྲིམས་འགལ་ངང་བཀག་ཉར་བྱེད་བཞིན་པ་དེར་ང་ཚོས་མུ་མཐུད་དུ་སེམས་འཁུར་ཆེན་པོ་བྱེད་བཞིན་ཡོད། དེ་བཞིན་དུ་སྲིད་གཞུང་གིས་ཆོས་ལུགས་དད་མོས་རང་དབང་ལ་སྔར་ལས་ལྷག་པའི་དམ་དྲག་དང་། ཕྱག་འཚལ་མཆོད་འབུལ་བྱེད་ས་སྒོ་བརྒྱབ་པ། ཡེ་ཤུ་བ་དང་བོད་པ་ནང་པ་ནང་དུ་འདུ་བའི་ཆོས་དད་བྱེད་མཁན་རྣམས་བཀག་ཉར་བྱེད་བཞིན་པར་ཡང་སེམས་འཁུར་་བྱེད་བཞིན་པ་ཡིན། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་འཇིགས་སྐུལ་རིང་ལུགས་དང་དྲག་སྤྱོད་ཐལ་སྐྱོད་པ་ལ་ངོ་རྒོལ་བྱེད་པར་ཁ་གཡར་ནས་ཁ་ཆེ་གྲངས་ཉུང་མི་རིགས་ཀྱི་ཁོངས་མི་ལ་མནར་གཅོད་གཏོང་བཞིན་པ་དེས་ང་ཚོར་དམིགས་བསལ་སྒོས་བློ་མི་བདེ་བ་བཟོ་བཞིན་འདུག ཞིན་ཅང་དུ་ཡུ་གུར་བ་དང་གྲངས་ཉུང་མི་རིགས་གཞན་པའི་ཁོངས་མི་ས་ཡ་གཅིག་ལྷག་སོ་སོའི་མངོན་འདོད་ལ་ལྟོས་པ་མེད་པར་བཀག་བསྐྱིལ་བྱས་པ་ནི་ད་ལྟ་བསྙོན་དུ་མེད་པ་ཆགས་ཡོད། ད་རུང་ཡུ་གུར་བ་དང་ཆོས་དད་བྱེད་མཁན་དག་ལ་ཆེད་དུ་དམིགས་ནས་བདེ་འཇགས་སྟངས་འཛིན་དང་། གསང་བའི་ལྟ་རྟོག བཙན་དབང་ངལ་རྩོལ། ཆོས་ལུགས་ཀྱི་དད་མོས་ལ་ཁྱད་པར་མེད་པར་དམ་དྲག རྩ་རྒྱུ་ DNA ་རྒྱ་ཆེར་བསྡུ་རུབ་བྱེད་པའི་བྱ་ལས་སྤེལ་བཞིན་པའང་དཔང་རྟགས་དང་བཅས་མངོན་གསལ་བྱུང་། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་གང་ཟག་སྒེར་བའི་འགྲོ་བ་མིའི་ཐོབ་ཐང་དང་རང་དབང་སྲུང་སྐྱོབ་ཀྱི་དམ་བཅའ་ཇི་སྲིད་བར་དུ་ལག་བསྟར་མ་བྱས་ཚེ་དེ་སྲིད་བར་དུ་རྒྱ་ནག་ལ་རྒྱལ་སྤྱིའི་སྟེང་བརྩི་འཇོག་ཡོང་མི་ཐུབ།། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་འཛམ་གླིང་སྡིངས་ཆའི་སྟེང་སྔར་ལས་ལྷག་པའི་འགོ་ཁྲིད་ཀྱི་ནུས་པ་འདོན་མཁན་ཞིག་ཏུ་འགྱུར་རྒྱུའི་འབད་བརྩོན་བྱེད་བཞིན་པའི་སྐབས་འདིར་ང་ཚོས་མུ་མཐུད་དུ་ཚད་གཞི་མཐོན་པོ་འཛིན་པ་ཡིན། འགྲོ་བ་མིའི་ཐོབ་ཐང་ལ་རྒྱལ་མཚམས་མེད། ཅི་ཡིན་ཞེ་ན་དེ་ནི་སྐྱེ་བོ་ཡོད་དོ་ཅོག་གི་སྒེར་བའི་ཐོབ་ཐང་སྲུང་སྐྱོབ་བྱེད་པར་འཛམ་གླིང་ཡོངས་སུ་ཁྱབ་པར་བྱས་ཡོད་པའི་རྐྱེན་གྱིས་ཡིན། འཛམ་གླིང་སྟེང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཤུགས་རྐྱེན་ཆེ་རུ་འགྲོ་བཞིན་པའི་སྐབས་འདིར་རྒྱ་ནག་ནང་གི་སྐྱེ་བོ་དག་གི་ཐོབ་ཐང་སྲུང་སྐྱོབ་བྱ་རྒྱུ་ནི་སྔར་ལས་ཀྱང་གལ་ཆེན་དུ་གྱུར་ཡོད། རྒྱ་ནག་ནང་གི་གཞི་རྩའི་ཐོབ་ཐང་ག་ཚོད་སྲུང་སྐྱོབ་བྱས་ན་རྒྱ་ནག་གི་རྒྱལ་མཚམས་བརྒལ་བའི་ཤུགས་རྐྱེན་ལ་འཛམ་གླིང་གིས་དེ་ཙམ་ཡར་སྐུལ་བྱེད་ངེས་རེད། དེ་ཡིས་ད་རུང་ཨ་རི་དང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་གཉིས་ཕན་འབྲེལ་ལམ་ལ་ཤུགས་རྐྱེན་ཐེབས་རྒྱུ་རེད། ཨ་རི་བས་ཀུ་རེ་བྱེད་བཞིན་པ་ཞིག་ནི། ཨ་རིའི་ནང་ཡོད་པའི་རྒྱ་ནག་གི་ཕྱི་འབྲེལ་མི་སྣས་ཨ་རིའི་སྤྱི་ཚོགས་འབྲེལ་མཐུད་དྲ་རྒྱ་གང་རུང་བརྒྱུད་ནས་ཨ་རིའི་སྤྱི་དམངས་ལ་ཐད་ཀར་དུ་འབྲེལ་གཏུག་བྱས་ཆོག ཨ་རིས་གཅེས་སུ་འཛིན་པའི་རང་དབང་དེ་ཁོ་ཚོས་ལོངས་སུ་སྤྱོད་བཞིན་ཡོད། ཡིན་ནའང་སྤྱི་ཚོགས་འབྲེལ་མཐུད་དྲ་རྒྱ་དེ་དག་དང་། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་བརྒྱུད་ལམ་སྟེང་བཀོད་པའི་ང་ཚོའི་སྦྱར་ཡིག་ལ་ནི་རྒྱ་ནག་གིས་བཀག་སྡོམ་བྱེད། རྒྱ་ནག་གི་ཕྱི་འབྲེལ་མི་སྣས་ཨ་རིའི་མང་ཚོགས་ལ་ཐད་ཀར་དུ་འབྲེལ་གཏུག་བྱས་ཆོག་པ་ནང་བཞིན་ང་ཚོས་རྒྱ་ནག་མི་དམངས་ལའང་ཐད་ཀར་དུ་འབྲེལ་གཏུག་བྱེད་ཐུབ་ཚེ་ཕྱོགས་གཉིས་ཀྱིས་ཕན་ཚུན་ལ་རྒྱུས་ལོན་གཏིང་ཟབ་ཙམ་བྱེད་ཐུབ་པ་དང་། གལ་ཆེའི་གནད་དོན་ཐད་དམིགས་བསལ་སྒོས་གོ་བསྡུར་སྦྱངས་བཤད་ཡོང་ཐུབ།། ཆོག་མཆན་འགོད་མཁན། པེ་ཅིང་གཞུང་ཚབ་ཁང་གི་གཞུང་ཚབ་ཆེན་མོ་བྷི་རོན་སི་ཊ། ཤར་ཨེ་ཤ་ཡ་དང་ཞི་བདེ་རྒྱ་མཚོའི་མངའ་ཁུལ་གྱི་ལས་རོགས་དྲུང་ཆེ་སི་ཊེལ་ཝེལ། མ་ཟིན་འགོད་མཁན།          པེ་ཅིང་གཞུང་ཚབ་ཁང་གི་ཊེ་ཅེ་ ཨོ་ཁི་དི་ཇེ། ཤར་ཨེ་ཤ་ཡ་དང་ཞི་བདེ་རྒྱ་མཚོའི་མངའ་ཁུལ་གྱི་ཇོལ་ སེ་ཕ་ལ། PDF: U.S.-Ambassador-Statement-on-International-Human-Rights-Day-2019-Tibetan-version English Version Chinese Version ...
Read More»

مەخپى ئەمەس ئورىگىنال: 2019-يىلى، 12- ئاينىڭ 10- كۈنى نەشرى قىلىش ئۈچۈن

ئامېرىكانىڭ خىتاي خەلق جۇمھۇرىيىتىدە تۇرۇشلۇق كونسۇلى بولۇش سۈپىتىم بىلەن، بىرلەشكەن دۆلەتلەر تەشكىلاتىنىڭ دۇنيا كىشىلىك ھوقۇق خىتابنامىسىنى قوبۇل قىلغانلىقىنىڭ 71- يىللىق خاتىرە كۈنىنى تەبرىكلەشنى شەرەپ ھېس قىلىمەن
Read More»
Show More ∨